Eithrio rhag talu taliadau’r GIG
Os ydych yn perthyn i unrhyw un o’r dosbarthiadau hyn pan fydd cwrs o driniaeth yn dechrau, ni fydd angen i chi dalu am driniaeth ddeintyddol ar y GIG:

• Os byddwch o dan 18 oed neu’n fyfyriwr amser llawn hyd at eich pen blwydd yn 19.
• Os byddwch yn disgwyl babi, neu wedi cael babi yn y 12 mis diwethaf.
• Os byddwch wedi’ch enwi ar Dystysgrif Eithrio Credyd Treth y GIG.
• Os byddwch wedi’ch enwi ar dystysgrif HC2 y GIG ar gyfer cymorth llawn â chostau iechyd.

Neu os ydych yn cael, neu wedi’ch cynnwys yn nyfarniad rhywun sydd yn eu cael:

• Cymhorthdal Incwm,
• Credyd Cynhwysol (yn ystod y cyfnod Ebrill 2013 - Mawrth 2014),
• Lwfans Ceisio Gwaith yn Seiliedig ar Incwm (nid yw JSA sy’n seiliedig ar gyfraniadau yn rhoi’r hawl i chi gael help â chostau iechyd),
• Lwfans Cyflogaeth a Chymorth yn Seiliedig ar Incwm (nid yw ESA seiliedig ar gyfraniadau yn rhoi’r hawl i chi gael help â chostau iechyd), neu
• Credyd Gwarant Credyd Pensiwn, (nid yw credyd cynilion Credyd Pensiwn ar ei ben ei hun yn rhoi’r hawl i chi gael help â chostau iechyd).
   

Nid yw budd-daliadau eraill fel Budd-dal Analluogrwydd, Taliad Annibyniaeth Personol (PIP), Taliad Annibyniaeth y Lluoedd Arfog na’r Lwfans Byw i’r Anabl yn rhoi’r hawl i chi gael help â chostau iechyd oherwydd nid ydynt yn gysylltiedig ag incwm.

Mae archwiliadau deintyddol am ddim yng Nghymru:

• Os ydych o dan 25 oed neu
• Os ydych yn 60 oed neu drosodd.
   

Mae gofyn talu’r tâl priodol am unrhyw driniaeth ddilynol o ganlyniad i’r archwiliad di-dâl.
Os hoffech gyngor am eithrio rhag talu, cysylltwch â GIG Cymru ar 0845 063 1108.
EICH CYFRIFOLDEB CHI YW SICRHAU BOD GENNYCH HAWL I GAEL TRINIAETH AM DDIM A LLENWI FFURFLENNI’R GIG MEWN MODD PRIODOL.  MAE’R GIG YN ARCHWILIO’R RHAN FWYAF O’R CEISIADAU AM DRINIAETH AM DDIM. OS BYDD RHYWUN YN GWNEUD CAIS AMHRIODOL, CÂNT EU DIRWYO GAN AMLAF.